Ciorcal na ndathanna le haghaidh cleachtaidh ar meascadh dathanna
Treoracha
Cuir an dá leagan de na dathanna príomhúla ('Rós Seasmhach', 'Dearg Caidmiamach', 'Buí Caidmiamach Domhain', Buí Caidmiamach Éadrom', 'Gorm Cerulean'
agus 'Gorm Ultramairín' in a gcuid spásanna sa chiorcal lasmuigh, a thaispeánann dathanna láidre (is féidir dathanna eile a usáid ina n-ionad, mar
shampla d'fhéadfá 'Vermilion' a úsáid in ionad 'Dearg Caidmiamach'). Measc na dathanna táinisteacha as na dathanna príomhúla in aice leo, ag athrú an
mhéad de gach dath mar is ceart (mar shampla déan 'Meascán Uaine buí' as 'Buí Caidmiamach Éadrom' agus 'Gorm Cerulean' le níos mó bui agus píosa beag
goirm, ach déan 'Meascán Uaine goirme' as na dathanna príomhúla céanna ach le níos mó goirm agus níos lú buí.
Tá leaganacha níos dorcha de na dathanna céanna sa chiorcal laistigh. Is féidir úsáid a bhaint as ceachtar den dath comhlántach (mar shampla,
dorchaigh Dearg Caidmiamach le píosa beag de do Mheascán Uaine goirme, nó leis na comhábhair atá ann - Buí Caidmiamach Éadrom agus Gorm Cerulean)
nó as dubh, chun iad a dhorchú (i gcás buí, caithfear píosa beag Rós Seasmhach a chur leis ionas nach mbeidh dealramh glais air, agus i gcás
Rós Seasmhach caithfear píosa beag Buí Caidmiamach Éadrom a chur leis ionas nach mbeidh dealramh corcaghoirm air).
Cuir meascán de na dathanna príomhúla (déanta as 'Dearg Caidmiamach', 'Buí Caidmiamach Éadrom' agus 'Gorm Ultramairín') sa lár, nó bain úsáid as dubh
(mar shampla Dubh Mars).
Ciorcal na ndathanna bána le haghaidh cleachtaidh ar meascadh dathanna
Treoracha
Cuir leaganacha níos báine de gach dath in a gcuid spásanna sa chiorcal lasmuigh. Má tá tú ag baint úsáid as dathanna aicrileacha nó oladhathanna
nó guais, cuir dath bán (mar shampla 'Bán Titanium') leo chun iad a bhánú.. Má tá tú ag baint úsáid as uiscedhathanna, cuir tuilleadh uisce leo chun
iad a lagú. Moltar do dhaoine go ndéantar na dathanna seo réasúnta geal, ionas go mbeidh difríocht suntasach idir an dá chiorcal. Is féidir na
dathanna eadroma seo a dhéanamh nuair atá tú ag déanamh an chéad chiorcal, ionas nach mbeidh ort iad a mheascadh arís.
Cuir leaganacha níos dorcha de ghach dath sa chiorcal laistigh. Beidh bán i ngach meascán freisin. Is féidir úsáid a bhaint as ceachtar den dath
comhlántach, nó as dubh, chun iad a dhorchú. Beidh na dathanna seo go léir ina leaganacha de liath, ach beidh lorg fós den dath é féin (atá ar an
gciorcal lasmuigh) le feiceáil.
Cuir dath liath sa lár. Is féidir an dath seo a dhéanamh as meascán de na dathanna príomhúla (déanta as 'Dearg Caidmiamach', 'Buí Caidmiamach
Éadrom' agus 'Gorm Ultramairín') agus bán, nó as dubh agus bán (le huiscedhathanna, cuir tuilleadh uisce leo chun iad a lagú).
Cliceáil anseo le haghaidh nótaí ar meascadh dathanna
chun cur síos a fháil ar leagan amach chiorcal na ndathanna
