|
Téigh ar ais chuig taispeántais & pictiúir |
|
||||||
|
|
Kenny's Gaillimh |
Origin Baile Átha Cliath |
L'Hôtel Gabriel Lorient |
| ||
|
Cuireann an leathanach seo i láthair an taispeántas 'Sealladh' a taispeánadh i nGaillimh agus Baile Átha Cliath agus i Lorient sa Bhriotáin le linn na bliana 2006
Sidheán, Cill Mháille, Inis, Co.an Chláir, Éire. Teagmháil ríomhphoist |
| ||||||
|
|||||||
521169
Sealladh Bheàrnaraigh, Alba
Oladhathanna ar chanbhás 760 x 2730 mm
Pictiúir ón taobh thiar de chúige Connacht, Éire agus
The Kenny Gallery
The Origin Gallery
L'Hôtel Gabriel, Lorient
Taispeánadh rogha de phictiúir ag gach láthair
Chuir an taispeántas seo i láthair sraith pictiúr ó dhá áit a bhfuil an-chosúlachtaí eatarthu, go háirithe ó thaobh
tírdhreacha agus teanga. Is iad an taobh thiar de chúige Connacht (iarthar Chontae na Gaillimhe agus iarthar Chontae
Mhaigh Eo) in Éirinn agus Na h-Eileanan Siar amach ó chósta iarthair na hAlban, an dá cheantar. Roghnaíodh iad go
háirithe de bharr cosúlachtaí idir limistéar na gceantar agus os rud é go bhfuil an dá cheann acu ar chósta thiar na
dtíortha.
Tá mórán cosúlachtaí idir an dá thírdhreach, le tránna fairsinge gainmheacha, ceantracha sléibhtiúile i roinnt áiteanna
agus talamh cothrom chois farraige in áiteanna eile. Tá pátrúin na tithíochta an-chosúil chomh maith le tithíocht
measartha dlúth sna ceantair chois farraige i gcomparáid le tírdhreacha folamha intíre. Tá pátrúin na haimsire cosúil
le haimsir bhriste atá go minic freagrach as scamaill dhramatúla. Tá súil agam go raibh na gnéithe seo le feiceáil
sna pictiúir sa taispeántas.
Maireann an Ghaeilge sa dá áit. Labhraítear Gaeilge na hÉireann go háirithe i nGaeltacht Chonamara i gContae na
Gaillimhe chomh maith leis an gceantar Thuar Mhic Éadaigh, Acaill, Iorrais agus Ceathrú Thaidhg i gContae Mhaigh Eo.
Labhraítear Gaeilge na hAlban ar fud na h-Eileanan Siar, go háirithe in Eilean Leòdhais, ach chomh maith leis sin sna
Hearadh, Uibhist a Tuath, Uibhist a Deas, agus Barraigh. Úsádadh leaganacha Gaeilge de logainmneacha sa taispeántas
agus i gcás na dtripticí móra tá siad le feiceáil mar chuid de cheapadóireacht an phictiúir, ar stríocaí ar bharr agus
faoi bhun an chanbháis.
Bíonn comhcheangal le fada idir an dá áit agus tógáil bháid traidisiúnta adhmaid, ‘Húicéirí’ ‘Gleoiteoga’ agus ‘Púcáin’
i gConamara agus báid ‘Niseach’ agus ‘Griomasaigh’ sna h-Eileanan Siar, traidisiún a mhaireann go dtí an lá atá inniu ann.
Taispeántar pictiúir de roinnt bád sa taispeántas. Tagann an teideal ‘Sealladh’ ó cheann de na báid traidisiúnta
adhmaid a phéinteáil mé nuair a bhí mé ag fanacht ar oileán Bheàrnaraigh. Ciallaíonn an focal ’sealladh’ radharc i
nGaeilge na hAlban agus amharc nó súilfhéachaint i nGaeilge na hÉireann.
Rinneadh na pictiúir ar fad ar láthair amuigh in Éirinn agus in Albain, rud a chuireann, i mo thaithí féin, níos mó
beochta san saothar. Bhí an litreoireacht ar na canbháis mhóra déanta ní ba dhéanaí sa stiúideo.
ó Na h-Eileanan Siar, Albain, a taispeánadh ag
An tSráid Láir, Gaillimh, Éire
3 - 23 Feabhra 2006
Catalóg agus pictiúir ó The Kenny Gallery, Gaillimh
83 Sráid Harcourt, Baile Átha Cliath 2, Éire
13 Márta - 21 Aibreán 2006
Catalóg agus pictiúir ó The Origin Gallery, Baile Átha Cliath
Eagraithe mar chuid den 36ú Festival Interceltique Lorient
29 Iúil - 6 Lúnasa 2006
Catalóg agus pictiúir ón Hôtel Gabriel, Lorient
Mise ag péinteáil ar Bheàrnaraigh, Albain, Iúil 2005
(Grianghraf le Christian Kranz)
521179
Triptic Mhaínse, Co. na Gaillimhe, Éire
Oladhathanna ar chanbhás 760 x 2730 mm