|
Rach air ais gu taisbeanaidhean & dealbhan |
|
||||||
|
|
Kenny's Gaillimh |
Origin Baile Átha Cliath |
L'Hôtel Gabriel Lorient |
| ||
|
Gheibh sibh an seo fiosrachadh mu dheidhinn an taisbeanaidh 'Sealladh' a chaidh a shealltainn ann an Gaillimh agus ann am Baile Átha Cliath rè 2006
Sidheán, Cill Mháille, Inis, Co.an Chláir, Éire. Post-dealain |
| ||||||
|
|||||||
521169
Sealladh Bheàrnaraigh, Alba
Peant ola air canabhas 760 x 2730 mm
Dealbhan bhon taobh siar de roinn Connacht, Èire agus
The Kenny Gallery
The Origin Gallery
L'Hôtel Gabriel, Lorient
Bha taghadh de dhealbhan aig gach àite
Chuir an taisbeanadh seo an làthair sreath dealbhan ò dà àite a tha gu math cosmhuil ri chèile, gu h-àraidh a thaobh
dreach tìre agus chànain. Is e taobh Siar na Connachta (taobh siar Shìorrachd na Gaillimhe agus Shìorrachd Mhaigh Eo)
ann an Eirinn agus na h-Eileanan Siar a mach ò oirthir an iar na h-Albann an dà cheàrnaidh seo. Roghnadh iad gu
h-àraidh as leth choltais eadar riochd tìre nan ceàrnaidhean agus a chionn 's gu bheil iad suidhichte ann an taobh an
iar nan dùthchannan.
Gheibhear mòran coltais eadar an dà dhealbh tìre, le tràighean farsainn gainnimh, monaidhean ann am feadhainn àitean
agus talamh rèidh an taobh na mara ann an àitean eile. Tha patran an àiteachaidh glè chosmhuil a cheart cho math ri
àiteachadh meadhonach dlùth anns na ceàrnaidhean ri taobh na mara an taca ri ceàrnaidhean falamh ann am meadhon na
dùthcha. Tha patran na h-aimsire cosmhuil ri aimsir bhriste a fhreagras gu minig do sgothan air leth annasach. Thathar
an dùil is an dòchas gu robh a leithid seo de rud ri fhaicinn anns na dealbhan anns an taisbeanadh.
Mairidh a' Ghàidhlig bheò anns an dà àite. Tha Gàidhlig na h-Eireann gu h-àraidh ga bruidhinn ann an Gàidhealtachd
Chonamara ann an Sìorrachd na Gaillimhe, cho math ri ann an Sgìre Thuar Mhic Éadaigh, Acaill, Iorras agus Ceathramh
Thaidhg ann an Sìorrachd Mhaigh Eo. Tha Gàidhlig na h-Albann ga bruidhinn air feadh nan Eilean Siar, gu h-àraidh ann
an Eilean Leòdhais, ach anns na Hearadh, ann an Uidhist a Tuath is Uidhist a Deas agus ann am Barraigh a cheart cho
math. Bha riochd Gàidhlig air ainmean-àite ga chleachdadh anns an taisbeanadh, agus aig àmannan air leth bha
sin ri fhaicinn mar chuid de innleachd an deilbh, air strìochan air bhàrr no aig bun an chanbhais.
Fhuaras riamh is gheibhear fhathast co-cheangal eadar an dà àite agus togail bàtaichean traidiseanta fiodha, húicéiri,
gleoiteoga agus púcáin ann an Conamara agus eathraichean Niseach agus Griomasach anns na h-Eileanan Siar, dualchas a
leanas gus an latha an diugh. Nochdar dealbhan de chaochladh bàtaichean anns an taisbeanadh. Chaidh an tiotal 'Sealladh'
a ghabhail ò thè de na h-eathraichean dùthchasach fiodha a pheinnt mi aig àm dhomh fantail ann an Eilean Bheàrnaraigh
(Caolas na Hearadh). Tha am facal 'Sealladh' a' ciallachadh fradhairc ann an Gàidhlig na h-Albann, agus coimhid no
grad-sheallaidh ann an Gàidhlig na h-Eireann.
Chaidh na dealbhan air fad a dhèanamh anns na h-àitean fhèin ann an Eirinn agus ann an Albainn, rud a chuireas, nam
bheachd fhèin, tuilleadh beothalachd anns an t-saothair. Bha an litreachadh air na canbhasan mòra ga dhèanamh nas
anmoiche anns an stiùidio.
Eadar-theangaichte gu Gàidhlig Albannaich le Axel Koehler, MA le urram (Obar Dheathain), MSc (Dùn Èideann),
Oileanach-rannsachaidh iar-cheumnach ann am beul-aithris na Gàidhlig airson PhD (Dotaireachd na Feallsanachd) ann an
Roinn na Ceiltis agus Eòlas na h-Albann air Oilthigh Dhùn Èideann.
bho Na h-Eileanan Siar, Alba, a chaidh a shealltainn ann an:
An tSráid Láir, Gaillimh, Èire
3 - 23 den Ghearran 2006
Catalog agus dealbhan bho The Kenny Gallery, Gaillimh
83 Sráid Harcourt, Baile Átha Cliath 2, Èire
13 den Mhàrt - 21 den Ghiblean 2006
Catalog agus dealbhan bho The Origin Gallery, Baile Átha Cliath
Pàirt den 36amh Festival Interceltique Lorient
29 den t-Iuchar - 6 den Lùnastal 2006
Catalog agus dealbhan bhon Hôtel Gabriel, Lorient
Mise a' peantadh ann am Beàrnaraigh, Alba, An t-Iuchar 2005
(Dealbh camara le Christian Kranz)
521179
Triptic Mhaínse, Co. na Gaillimhe, Éire
Peant ola air canabhas 760 x 2730 mm